Վենեսուելայի Գերագույն դատարանը հրաժարվել է ձայների` ձեռքով վերահաշվարկից

Վենեսուելայի Գերագույն դատարանը հայտարարել է, որ ձեռքով ձայների վերահաշվարկ անելու մեխանիզմն անհնար է. հայտնում է Associated Press-ը:

Ըստ Գերագույն դատարանի նախագահ Լուիզա Մորալեսի`  այդ մեխանիզմը, Սահմանադրության համաձայն, չի գործում, Վենեսուելայի ընտրական համակարգը, ինչպես նաև ձայների հաշվարկման գործընթացն ամբողջովին ավտոմատացված է: Ընդդիմության այդ առաջարկը առաջացրել է նաև Վենեսուելայի շատ բնակիչների վրդովմունքը:

Հիշեցնենք, որ Վենեսուելայի  հանգուցյալ նախագահ Հուգո Չավեսին ժամանակավորապես փոխարինող Նիկոլաս Մադուրոն չնչին տարբերությամբ հաղթանակ է տարել ընդդիմության առաջնորդ Էնրիկե Կապրիլեսի նկատմամբ.  Մադուրոն հավաքել է ձայների 50,8%-ը, իսկ  Կապրիլեսը՝ 48,9%-ը: Կապրիլեսը չի ընդունում ընտրությունների արդյունքները և կեղծարարության մեջ է մեղադրում իշխանություններին: