Ծառուկյանն անքակտելիորեն կապված չէ որևէ այլ քաղաքական ուժի հետ. Ուրիխանյան

ԲՀԿ ավագանու ցուցակը, նախորդի համեմատ, փոխվել է 90  տոկոսով. լրագրողների հետ հանդիպման ժամանակ հայտարարեց ԲՀԿ խմբակցության պատգամավոր, կուսակցության մամուլի խոսնակ Տիգրան Ուրիխանյանը:  

Ըստ նրա` եթե կուսակցությունն ընտրություններին մասնակցելու պատասխանատվություն է վերցնում իր վրա , նշանակում է` քաղաքացու համար այլընտրանք է ստեղծում: 

Պատգամավորը դժգոհություն հայտնեց Հայաստանում ընտրողների ցուցակի վերաբերյալ` նշելով, որ իրենք ներկայումս աշխատանքներ են տանում մարդկային ռեսուրսը մոբիլիզացնելու համար:

Անդրադառնալով ՀԱԿ հիմնադիր համագումարում ԲՀԿ-ի և նրա ղեկավարի հասցեին Լևոն Տեր-Պետրոսյանի հնչեցրած գնահատականներին` Ուրիխանյանն ասաց. «Ո'չ ԲՀԿ-ն,  ո'չ Ծառուկյանը անքակտելի կապով կապված չեն եղել որևէ քաղաքական ուժի հետ, ինչը  խոչընդոտ կհանդիսանար մեր գործունեության համար»:

Հարցին, թե ի՞նչ հաղորդագրություն  հղեց  նախագահը ԲՀԿ-ին, պատգամավորը պատասխանեց. «Լևոն Տեր-Պետրոսյանն իր կուսակիցներին  էր հաղորդագրություններ  հղում»: