Ոչ մի բան էլ չէր խանգարում ավելի լավ աշխատելուն. Սերգո Կարապետյան

«Եթե ասեմ` լավ եմ գնահատում իմ աշխատանքը, այդպես չէ, բայց որոշակի քայլեր ձեռնարկել եւ կատարել ենք»,- ԱԺ-ում կառավարությանն ուղղված հարցուպատասխանից հետո լրագրողների հետ զրույցում, խոսելով իր կատարած աշխատանքի գնահատականի մասին, հայտարարեց գյուղատնտեսության նախարարի պաշտոնակատար Սերգո Կարապետյանը:

Yerkir.am-ի դիտարկմանը, թե ի՞նչն էր խանգարում՝ ավելի լավ աշխատել, գյուղատնտեսության նախարարն առավել քան անկեղծ պատասխան տվեց. «Ոչ մի բան էլ չէր խանգարում, ոչ մի բան»:

Կլինի՞ նոր կառավարության կազմում, թե՞ ոչ: Նախարարն այս հարցին ի պատասխան հայտարարեց, որ չգիտի: Իսկ դիտարկմանը, թե ցանկանո՞ւմ է մնալ, հավանաբար կիսատ թողած գործեր ունի, արձագանքեց. «Ես չգիտեմ»: