ԵԱՀԿ ՄԽ համանախագահներն ամփոփել են իրենց տարածաշրջանային այցի արդյունքները

Մոտ ժամանակներս ծրագրվում է Հայաստանի եւ Ադրբեջանի արտգործնախարարների հանդիպումը ԵԱՀԿ Մինսկի խմբի շրջանակներում. ասվում է ԵԱՀԿ ՄԽ համանախագահնրի` այսօր տարածած հայտարարության մեջ:

Այսօր ԵԱՀԿ ՄԽ համանախագահները Վիեննայում ամփոփել են մարտի 18-22-ը եւ ապրիլի 1-6-ը տարածաշրջան կատարած այցերի արդյունքները: Համանախագահները նշում են, որ հանդիպել են Հայաստանի եւ Ադրբեջանի նախագահների ու արտագործնախարարների, նաեւ Լեռնային Ղարաբաղի դե ֆակտո իշխանությունների հետ: Նրանք կարճ ներկայացրել են իրադրությունը ղարաբաղա-ադրբեջանական զինված ուժերի շփման գծում, երբ հատել են այն ապրիլի 4-ին եւ 5-ին, ընդգծել են համեմատական հանդարտությունը, որը տիրել է Նովրուզի եւ Զատիկի տոնակատարությունների օրերին:

Համանախագահները Հայաստանի եւ Ադրբեջանի նախագահների հետ քննարկել են նաեւ Ստեփանակերտի օդանավակայանի շահագործման հարցը: