Քրիստոս Յարեաւ ի մեռելոց. Օրհնեալ է Յարութիւնը Քրիստոսի

Այսօր Ավագ շաբաթն է, եւ Եկեղեցական կարգի համաձայն՝ երեկոյան ժամերգությունից հետո սկսվում է նոր օր:

Այսօր Հայ Առա քելական բոլոր եկեղեցիներում մատուցվեց Ճրագալույցի Սուրբ Պատարագ, որի ավարտին ազդարարվեց Փրկչի հրաշափառ Հարության ավետիսը եւ մարդիկ սկսեցին միմյանց ողջունել` «Քրիստոս հարյավ ի մեռելոց: Օրհնեալ է հարությունը Քրիստոսի» ավետիսով:

Պատարագը հաղորդում է նաեւ Զատկին նախորդած յոթ շաբաթ տևած Մեծ Պասի շրջանի ավարտը: Վաղը Հիսուս Քրիստոսի Հարության տոնն է` Զատիկը, որը նշանակում է զատում, բաժանում, հեռացում մեղքերից եւ վերադարձ առ Աստված:

Զատկի տոնին սովորաբար ձու են ներկում /կարմիր/, որը համարվում է հարության եւ նոր կյանքի սկզբնավորման խորհրդանիշ, իսկ կարմիր գույնը խորհրդանշում է խաչյալ Հիսուսի արյունը, որ թափվեց մարդկության փրկության համար: Զատկի սեղանին լինում են եփած ձուկ, չամիչով փլավ և գինի։ Չամիչով փլավը մեկնաբանվում է որպես ողջ մարդկության խորհրդանիշ, որտեղ չամիչը՝ հավատացյալներն են, գինին՝ Հիսուսի արյունը։

Վաղն առավոտյան եկեղեցիներում կկատարվիի ժամերգություն, որից հետո կմատուցվի Սուրբ Պատարագ: