Գագիկ Ջհանգիրյանի աշխատասենյակը ստալինյան ոճով է

«Հրապարակը» գրել էր, որ Աժ-ում ամենանանո սենյակը Գուրգեն Արսենյանինն է, ամենաճոխն ու ռոկոկոն՝ գեներալ Մանվելինը, սակայն ամենաինքնատիպը Գագիկ Ջհանգիրյանինն է, որն աննախադեպ է հայոց պառլամենտարիզմի պատմության մեջ:

Ահավոր «համեստի մեջ» այդ սենյակի դռները երբ բացում ես, գրում է թերթը, հայտնվում ես մթության մեջ. անմիջապես դեմքիդ են հպվում ծանր-մուգ վարագույրները, դռնից ընդամենը հիսուն սանտիմետր հեռու, վերևից դրանք իջնում են ստալինյան ժամանակների յուրօրինակ ոգով եւ նույնքան յուրօրինակ «շարմ» հաղորդում սենյակի ծայրում, սեղանի հետեւում ակնոցներով նստած Գագիկ Ջհանգիրյանին:

Հարցին՝ ինչո՞ւ այդպես, Ջհանգիրյանն ասաց. «Այդպես ցանկացանք, բոլորի ամեն ինչը թողել, եկել-հետաքրքրվում եք իմ վարագույրո՞վ»: