Արիզոնայում կանայք ու ծերերը զինվում են

Մինչ ԱՄՆ իշխանությունները քննարկում են զենք կրելն արգելող օրենք ընդունելու մասին, Արիզոնայի նահանգի Թուսան քաղաքում որոշել են զինվել: Անվճար ատրճանակներ են բաժանվելու առաջին հերթին միայնակ կանանց, ծերերին և վտանգավոր շրջաններում ապրող մարդկանց:

Ինչպես հաղորդում է Russia Today-ը, Թուսանում մարդիկ դեռևս ուշքի չեն գալիս 2011-ին կատարված ողբերգությունից հետո, երբ փողոցում սկսված կրակոցներից վեց մարդ զոհվեց:

Արդեն իսկ 12 հազար դոլար է հատկացվել անվճար ատրճանակներ հատկացնելու համար ստեղծված հիմնադրամին: Եվ քաղաքի նախկին քաղաքապետը հույս է հայտնել, որ հնարավոր կլինի բոլորին զինելու համար բավականաչափ գումար հավաքել: Բոլոր նրանց, ովքեր ատրճանակ կտրվի, կսովորեցնեն ինչպես զենքից օգտվել, ինչպես այն ճիշտ պահել: