ԱՄՆ կլինիկաներից մեկում 7 հազար մարդ հնարավոր է վարակվել է ՄԻԱՎ-ով

Ամերիկյան Օկլահոմա նահանգի Թալսա քաղաքի իշխանությունները դիմել են տեղի ատամնաբուժարաններից մեկում բուժված 7 հազար մարդու` կոչ անելով անհապաղ ՄԻԱՎ-ի, նաեւ հեպատիտ C-ի եւ B-ի թեստ անցնել. տեղեկացնմում է BBC-ն:

Իշխանությունները տվյալներ ունեն, որ Սկոթ Հարինգտոնի ատամնաբուժարանում չեն պահպանվել հիգիենայի տարրական կանոնները` ասեղներն օգտագործվել են մի քանի անգամ, բժշկական սարքավորումները չեն լվացվել, իսկ որոշ դեղամիջոցներ կիրառվել են առանց համապատասխան թույլտվության: Կասկածներ են առաջացել այն ժամանակ, երբ ատամնաբույժի այցելուներից մեկի մոտ հայտնաբերվել է ՄԻԱՎ եւ հեպատիտ C:

Ատամնաբույժը փակել է կլինիկան եւ համագործակցում է հետաքննություն իրականացնողների հետ: