Թուրքիան առաջարկել է Կիպրոսի խնդրի կարգավորման իր ծրագիրը

Թուրքիան Կիպրոսի խնդրի կարգավորման նոր ծրագիր ունի, որը մշակվել է` հաշվի առնելով նավթի ու գազի հետախուզման աշխատանքները կղզու առափնյա տարածքում: Ծրագրի բովանդակությունը հրապարակել է Թուրքիայի ԱԳ նախարար Ահմեդ Դավութօղլուն. տեղեկացնում է РИА Новости-ն:

Նրա խոսքով` ծրագիրը ներառում է երեք այլընտրանք: Առաջինը նախատեսում է կղզում միասնական պետության ստեղծում և ածխաջրածինների համատեղ հետախուզում հունական և թուրքական համայնքների կողմից: Առաջին տարբերակի մերժման դեպքում` առաջարկվում է կազմավորվել համատեղ կոմիտե, որը կզբաղվի էներգակիրների մշակման ու իրացման հարցերով: Անկարայի երրորդ տարբերակը նախատեսում է լուծել Կիպրոսի հարցը կղզում երկու պետությունների գոյության հիման վրա: