Արցախում մարզադպրոցի տնօրենը կեղծ խմբակի միջոցով գումար է յուրացրել

«Մարտակերտի մանկապատանեկան մարզադպրոց»-ի տնօրեն Կարեն Շախնումանցը, հանդիսանալով պաշտոնատար անձ, օժտված լինելով կազմակերպական-տնօրինչական լիազորություններով, շահադիտական շարժառիթով 2011-2012թթ. ուսումնական տարում կազմավորել է վոլեյբոլի կեղծ խմբակ եւ, նախապես տեղյակ լինելով մարզիչների կողմից պարապմունքները չկազմակերպելու մասին, որպես աշխատավարձ է ձեւակերպել ու վճարել 242.112 դրամ գումար` պաշտոնեական դիրքի օգտագործմամբ վատնման եղանակով պետությանը պատճառելով հիշյալ չափով գույքային վնաս. տեղեկացնում է ԼՂՀ գլխավոր դատախազության կայքը:

Նա 2012-2013թթ. ուսումնական տարում կազմավորել է հրաձգության երկու կեղծ խմբակ եւ նույն կերպ աշխատավարձ է ձեւակերպել ու վճարել 164.837 դրամ գումար:

Փաստի առթիվ հարուցվել է քրեական գործ` նախատեսված ԼՂՀ քրեական օրենսգրքի 179-րդ հոդվածի 2-րդ մասի 1-ին կետով /Յուրացնելը կամ վատնելը/ եւ 314-րդ հոդվածով /Պաշտոնեական կեղծիքը/: