ՀՖՖ-ն խնդրում է մարզադաշտ ներկայանալ ժամը 18:00-ին

Մարտի 26-ին Վազգեն Սարգսյանի անվան «Հանրապետական» մարզադաշտում կայանալիք Հայաստան-Չեխիա հանդիպմանը մարզադաշտի մուտքերի մոտ մարզասերների կուտակումներ թույլ չտալու նպատակով Հայաստանի ֆուտբոլի ֆեդերացիան խնդրում է բոլոր մարզասերներին  մարզադաշտ ներկայանալ հանդիպման սկզբից 2 ժամ շուտ` ժամը 18:00-ին: Բոլոր մարզասերներին խնդրում են նաև մարզադաշտ չբերել արգելված իրեր:

Արգելվում են` զենք, ճայթռուկներ, ծակող, կտրող, հրավառվող իրեր, պրոֆեսիոնալ վիդեո, աուդիո, ֆոտո սարքավորումներ, կենդանիներ, գնդակներ, փայտյա և մետաղյա դրոշակաձողեր, ալկոհոլային խմիչքներ, ամեն տեսակի շշեր և տարաներ, պաստառներ, դրոշներ՝ վիրավորական և/կամ ռասիաստական գրություններով, վուվուզելաներ, շեփորներ, լազերային լույսեր և ցուցիչներ: