Սումգայիթյան ջարդերի մասին ֆիլմը ցուցադրվել է արաբերենով

«Սումգայիթ. սովորական ցեղասպանություն» փաստավավերագրական ֆիլմի արաբերեն տարբերակը ցուցադրվել է Եգիպտոսում ՀՀ դեսպանությունում. հայտնում են ՀՀ ԱԳՆ-ից:

Ցուցադրմանը ներկա են եղել Եգիպտոսի քաղաքական եւ հասարակական կազմակերպությունների ներկայացուցիչներ, մտավորականներ, լրագրողներ եւ եգիպտահայ համայնքի անդամներ։

Ֆիլմի ցուցադրումից առաջ ելույթ է ունեցել Եգիպտոսում ՀՀ դեսպան Արմեն Մելքոնյանը, ով նշել է, որ Սումգայիթում, ինչպես նաեւ Բաքվում, Կիրովաբադում, Մարաղայում եւ այլուր իրականացված` հայերի ջարդերի եւ էթնիկ զտումների համար պատասխանատվությունից խուսափելու նպատակով Բաքուն փորձում է մոլորեցնել միջազգային հանրությանը` ստահոդ քարոզչություն տարածելով  Խոջալուի դեպքերի մասին։