Վեց թեկնածու կպայքարի Իրանի նախագահի աթոռի համար

Արդեն 6 թեկնածու մտադիր է պայքարել Իրանի Իսլամական Հանրապետության նախագահի պաշտոնի համար. հաղորդում է INTERFAX-ը` հղում անելով իրանական Press TV հեռուստաալիքի այսօրվա հաղորդմանը:

Այդ թեկնածուների թվում են խորհրդարանի նախագահի տեղակալ Ռեզա Բահոնարը և Ազգային անվտանգության բարձրագույն խորհրդի նախկին քարտուղար Հասան Ռոհանին: Նշվում է, որ Իրանի նախագահի պաշտոնին են հավակնում նաև երկրի արտաքին գործերի նախկին նախարար Մանուչեր Մոթթաքին, ինչպես նաև հետախուզության նախկին նախարար Ալի Ֆալահին: Նախագահի պաշտոնի պայքարին կմասնակցեն նաև Թեհրանի նախկին քաղաքապետ և ազգային ոստիկանության նախկին ղեկավար Մոհամմադ Քալիբաֆը և այլք:

Երկրի գործող նախագահն արդեն երկու անգամ ընտրվել է և երկրի Սահմանադրության համաձայն՝ երրորդ անգամ չի կարող վերընտրվել: