Մահմեդականները Ֆրանսիան զրկել են խոզապուխտից. Մարին Լը Պեն

Ֆրանսիական ծայրահեղ աջ «Ազգային ճակատ» կուսակցության առաջնորդ Մարին Լը Պենը հայտարարել է, որ հասարակությունը տեղի է տալիս իսլամական արմատականների առաջ` ամենուր հրաժարվելով խոզի մսից. տեղեկացնում է NEWSru.co.il-ը:

«Մենք տեսնում ենք, որ մեր Air France-ն այլեւս խոզի միս չի առաջարկում ուղեւորներին, դպրոցական ճաշարաններում այլեւս չկան խոզի մսից պատրաստված ճաշատեսակներ, իսկ մարդասիրական կազմակերպությունները հրաժարվում են բարեգործությունների համար ընդունել խոզի միս պարունակող մթերք: Դա չի՞ նշանակում, որ մենք կատարում ենք ծայրահեղականների պահանջները: Սա ո'չ Սաուդյան Արաբիա է, ո'չ էլ Կատար: Արմատականությունը չպիտի «աճի» Բրետանի դաշտերում»,- հայտարարել է նա:

Լը Պենը չի հասկանում` ինչո՞ւ միլիոնավոր մարդիկ պետք է հրաժարվեն, օրինակ, խոզապուխտ  ուտելուց:

Ավելի վաղ Մարին Լը Պենը Լիոնում իր կողմնակիցների հետ հանդիպման ժամանակ փողոցներում աղոթող մահմեդականներին համեմատել էր Ֆրանսիայի ֆաշիստական օկուպացման հետ: