Հունաստանը կողմ է Կոսովոյի` ԵՄ անդամ դառնալուն

Հունաստանի արտգործնախարար Դիմիտրիս Ավրամոպուլոսը հայտարարել է, որ իր երկիրը կողմ է Կոսովոյի` ԵՄ անդամ դառնալուն, թեեւ դեռեւս չի պատրաստվում ճանաչել այդ հանրապետությունը. տեղեկացնում է РИА Новости-ն:

«Հայտնի է, որ ԵՄ ներսում տարբեր տեսակետներ կան Կոսվոյի կարգավիճակի վերաբերյալ: Հունաստանի դիրքորոշումը հայտնի է: Սակայն բոլորը համաձայն են, որ Արեւմտյան Բալկաններ տարածաշրջանն ունի ակնհայտ եվրոպական հեռանկար: Կոսովոն ԵՄ ղեկավարությամբ պետք է աշխատի անհրաժեշտ բարեփոխումների իրականացման ուղղությամբ»,- ասել է Ավրամոպուլոսը Կոսովոյի արտգործնախարար Էնվեր Խոջայի հետ Աթենքում կայացած համատեղ ասուլիսում:

Հույն նախարարի խոսքերով` Հունաստանում կբացվի Կոսովոյի առեւտրային ներկայացուցչությունը, սակայն դա չի փոխի Աթենքի եւ Պրիշտինայի պաշտոնական հարաբերությունների բնույթը: Հունաստանը ԵՄ 5 պետություններից մեկն է, որը չի ճանաչել Կոսովոյի անկախությունը: