Բեմականացված քայլերթ` նվիրված Մարտի 8-ին

Մարտի 8-ին` ժամը 15:30-ին, «Կանանց ռեսուրսային կենտրոն» ՀԿ-ն կիրականացնի բեմականացված քայլերթ Կանանց իրավունքների պաշտպանության միջազգային օրվա կապակցությամբ:  Երթը կսկվի Իսահակյանի արձանի մոտից և կավարտվի Հյուսիսային պողոտայում:

Ամենամյա ավանդույթ դարձած երթն այս տարի տարբերվում է իր յուրահատկությամբ և ստեղծարարությամբ. այն կուղեկցվի  տարբեր կերպարներ մարմնավորող  կանանց տիկնիկներով և  կարճ բեմադրություններով:

Երթի ավարտին կհաջորդի  «Ընտրությամբ կամ պատահականությամբ» ֆիլմի ցուցադրությունը՝  «Էսպաս» կենտրոնում: Մարտի 8-ին այդ ֆիլմի պրեմիերան կլինի Երևանում և աշխարհի  տասներեք այլ քաղաքներում: Ֆիլմը վավերագրական է, ներկայացվում են միայնակ մայրերի կյանքը, ձեռքբերումներն ու դժվարությունները, ինչպես նաև իրավահավասար հասարակության ստեղծման գործում նրանց ներդրումը: