Մանկական կերը չէ՞ նորածին քույրերի մահվան պատճառը

Yerkir.am-ը տեղեկացրել է Արմավիրում` դեռևս անհայտ պատճառներով մահացած նորածին երկվորյակ քույրերի մասին:

Պարզվել էր, որ մահվան օրը մայրը երեխաներին կերակրել էր «Նեստոգեն» մանկական կերով, ինչը հիմք էր տվել ենթադրելու, թե երեխաները թունավորվել և մահացել են կերից: 

Սակայն այսօր Սննդամթերքի անվտանգության պետական ծառայությունը հաղորդագրություն է տարածել, համաձայն որի` իրենց կողմից իրականացվել է «Նեստոժեն» մանկական չոր կաթի փոշու փորձաքննություն: Փորձաքննության արդյունքում պարզվել է, որ իրացման ցանցում առկա մանկական կերերն անվտանգ են, և երեխաների առողջության վրա որևէ բացասական հետևանք ունենալ չեն կարող:

2013թ. փետրվարի 27-ին զույգ երեխաների մահվան ցավալի դեպքի առթիվ հարուցված քրեական գործի շրջանակներում իրականացվող` մթերքների փորձաքննությունը շարունակվում է: