Samsung-ը կիսով չափ քիչ կփոխհատուցի Apple-ին

Նախորդ տարի հարավկորեական Samsung ընկերությունը 1.05 միլիարդ դոլար պետք է  վճարել ամերիկյան Apple-ին՝ արտոնագրային իրավունքները խախտելու համար։ Սակայն ԱՄՆ Կալիֆոռնիայի դատարանը գրեթե կիսով չափ` 450 միլիոն դոլարով նվազեցրել է տուգանքի չափը: 

Այժմ Samsung-ն Apple-ին պետք է վճարի 598 միլիոն դոլար: Դատարանը սա բացատրել է նրանով, որ նախկինում հայցվոր կողմը վնասի վերաբերյալ ոչ ճիշտ փաստաթղթեր է ներկայացրած եղել:

Հիշեցնենք, որ նախորդ տարվա ամռանը Apple-ը փորձում էր ապացուցել, որ Samsung-ը պատճենել է iPhone-ի և iPad-ի դիզայնը Galaxy S2 սմարթֆոնն ու Galaxy Tab պլանշետն արտադրելիս, և պահանջել է 2.5 միլիարդ դոլարի փոխհատուցում:

Աղբյուր` AP