Հղիության նպաստը տրվում է միանգամից

Պատահում են դեպքեր, երբ աշխատավայրում մարդիկ, չիմանալով իրենց իրավունքները,  չեն էլ փորձում ընդդիմանալ, երբ այդ իրավունքները ոտնահարվում են:

Մասնավորապես` մեր ընթերցողներից  մեկը հայտնեց, որ իրեն հղիության արձակուրդի դեպքում որոշել են վճարել ոչ թե միանգամից, այլ մաս-մաս: Այս առթիվ ներկայացնում ենք Աշխատանքային օրենսգրքի 172-րդ հոդվածը, որը սահմանում է հղիության և ծննդաբերության արձակուրդը, վճարվելիք նպաստի չափն ու վճարման ձևը:

«Աշխատող կանանց տրամադրվում է հղիության եւ ծննդաբերության արձակուրդ՝ վճարելով լրիվ աշխատավարձը. 1)140 օր (70 օր՝ հղիության, 70 օր՝ ծննդաբերության), 2) 155 օր (70 օր՝ հղիության, 85 օր՝ ծննդաբերության)` բարդ ծննդաբերության դեպքում, 3) 180 օր (70 օր՝ հղիության, 110 օր՝ ծննդաբերության)` միաժամանակ մեկից ավելի երեխաներ ունենալու դեպքում:

Այդ արձակուրդը հաշվարկվում է միասին և կնոջը տրամադրվում է ամբողջությամբ: Ժամանակից շուտ ծննդաբերելու դեպքում հղիության արձակուրդի չօգտագործված օրերը գումարվում են ծննդաբերության արձակուրդի օրերին»: