Մի շտապեք ''թաղել'' ''Բարսելոնա''-ն. Բեքհեմ

Ֆրանսիական «ՊՍԺ» ֆուտբոլային ակումբի անգլիացի կիսապաշտպան Դևիդ Բեքհեմը կարծում է, որ դե վաղ է «Բարսելոնա»-ին ավարտված թիմ համարել:

«Խոսակցություններ են գնում,  որ «Բարսելոնա»-ի հեգեմոնիան ավարտվել է: Դեռ վաղ է նման բաներ ասել, անգամ «Բարսելանա»-ի` «Միլան»-ին պարտվելուց հետո: Հաջորդ հանդիպումը նրանք տանն են անցկացնելու: Ես գիտեմ, թե ինչ է նշանակում խաղալ այն «Բարսելոնա»-ի դեմ, որն ուզում է գոլ խփել», - ասել է անգլիացին:

Խոսելով Չեմպիոնների լիգայի` «Մանչեսթեր Յունայթեդ» - «Ռեալ» հանդիպման մասին` Բեքհեմն ասել է. «Դա հրաշալի հանդիպում է լինելու և մեծ իրադարձություն Ռոնալդուի համար: «Մանչեսթեր»-ը նրա սրտում հատուկ տեղ է զբաղեցնում: Երկրպագուներն էլ ուրախ կլինեն նրա գալուն: Հանդիպման ելքը գուշակել չեմ կարող, դա շատ բարդ կլինի»: