Բրիտանական ֆիլմերի փառատոնի մեկնարկը` ″Ակվարիում″ ֆիլմով

Մարտի 2-ին «Մոսկվա» կինոթատրոնում կտրվի Բրիտանական ֆիլմերի 11-րդ ամենամյա փառատոնի մեկնարկը:

Փառատոնի բացման օրը կցուցադրվի «Ակվարիում» ֆիլմը: Անդրեա Արնոլդի այս ֆիլմն արժանացել է ժյուրիի մրցանակին Կաննի փառատոնում և BAFTA մրցանակին` որպես լավագույն բրիտանական ֆիլմ: Ռեժիսորի օսկարակիր «Իշամեղու» կարճամետրաժ ֆիլմի թեմաներին անդրադարձող «Ակվարիումը» յուրատիպ և եզակի արդի պատում է մեր ժամանակների մասին:

Փառատոնի ընթացքում ցուցադրվելու է ինը ֆիլմ:

ՄԱԿ-ի գլխավոր ասամբլեան 2013-ը հռչակել է Ջրային համագործակցության միջազգային տարի: Փառատոնը, միանալով այս նախաձեռնությանը, ներկայացնում է ֆիլմեր` նվիրված թեմայի բարձրաձայնմանը:

Մուտքն ազատ է բոլոր ցուցադրությունների համար: