Ժողովուրդը գտել է մեկին, ում հետևից կարող է գնալ

Հայաստանի Դեմոկրատական կուսակցության նախագահ Արամ Սարգսյանը կարծում է, որ ժողովուրդը նեղացած է իշխանություններից և գտել է մեկին, ում հետևից կարող է գնալ: Այս մասին նա այսօր հայտարարեց լրագրողների հետ հանդիպման ժամանակ:

Ըստ Սարգսյանի` արդյունքի հասնելու համար Րաֆֆի Հովհաննիսյանը պետք է կարողանա ճիշտ հաշվարկել, ճիշտ ուղի գտնել, որպեսզի չպատահի այն, ինչ եղավ նախորդ ընտրություններում ընդդիմադիր գործիչների հետ:

Ինչ վերաբերում է նախագահական ընտրություններում հաղթած թեկնածուին, Դեմոկրատակյան կուսակցությունը դրա վերաբերյալ դիրքորոշումը կհայտնի այն ժամանակ, երբ Կենտրոնական ընտրական հանձնաժողովը ներկայացնի վերջնական արդյունքները: