Ես թիվ չեմ խփել, Սերժ Սարգսյանն է խփել. Րաֆֆի Հովհաննիսյան

Վաղը` ժամը 17:00-ին, Ազատության հրապարակում Րաֆֆի Հովհաննիսյանը հրավիրում է հանրահավաքի: Այս մասին նա հայտարարեց Ազատության հրապարակում հրավիրված ասուլիսի ժամանակ:

Ըստ նրա` Սերժ Սարգսյանին մինչեւ վաղը` ժամը 17:00-ը, պետք է ընդունի ժողովրդի հաղթանակը: «Նա պետք է գա, և մենք իշխանությունը պետք է փոխանցենք ժողովրդին»,- ասաց նա և հավելեց. «Սերժ Սարգսյանը գիտի, որ ընտրությունները կեղծվել են, եւ նա պետք է ընդունի ժողովրդի հաղթանակը: Պիտի նշեմ նաեւ, որ ես թիվ չեմ խփել, ինքն է խփել»:

Հովհաննիսյանի խոսքով` սահմանադրական ճանապարհով իրենք այս ընտրությունները տանելու են ոչ թե մինչեւ վերջ, այլ մինչեւ հաղթանակ: