Հովհաննիսյանի վստահված անձինք որոշ տեղամասերում թույլ էին

Ընտրությունների արդյունքներով` բազմաթիվ ընտրատեղամասերում Սերժ Սարգսյանը հաղթել է ձայների նվազ առավելությամբ: Կարծիք կա, որ այս հանգամանքը պայմանավորված է այդ տեղամասերում Րաֆֆի Հովհաննիսյանի վստահված անձանց ձևական ներկայացվածությամբ: Այդ առնչության yerkira.am-ը հարց ուղղեց «Ժառանգություն» խմբակցության  ղեկավար, ԱԺ պատգամավոր, Ռուբեն Հակոբյանին` ակնկալելով նրա պատասխանը:

«Ինչպես Րաֆֆի Հովհաննիսյանն է ասում` հնարավոր է: Իսկապես, կային ընտրատեղամասեր, որտեղ մեր հանձնաժողովի նախագահը չի կարողացել պայքարել կեղծիքների դեմ: Նրանց սպառնացել են, վախեցրել»,- պատասխանեց նա:

Ըստ Հակոբյանի` «Ժառանգությունը», ցավոք, մինչ այժմ չի ունեցել այդքան ռեսուրսներ, ընդդիմությունը բոլոր համապետական ընտրություներում չի կարողացել բոլոր տեղամասերում ապահովել «պինդ», սկզբունքային և  խիզախ անդամներ: «Միշտ էլ լինում են թույլ օղակներ, պետք չէ կենտրոնանալ այդ թույլ օղակների առկայության վրա»,- հավելեց նա: