Րաֆֆի Հովհաննիսյանը գովաբանեց նախագահին

Այս օրերին Հայաստանն աննկարագրելի փոխվել է. քարոզարշավի ամփոփիչ ասուլիսի ժամանակ հայտարարեց ՀՀ նախագահի թեկնածու, «Ժառանգություն» կուսակցության նախագահ Րաֆֆի Հովհաննիսյանը` հավելելով.  «Սա ոչ թե իմ կամ այլ թեկնածուի շնորհիվ է, այլ մեր ժողովրդի»:

Նա ուրախալի է համարում, որ իրենց արձանագրած ընտրախախտումների հետքերով իրավապահները գնում են, սակայն զարմանում է, թե ինչու պետք է իրենք ասենք, նոր տեսնեն այդ խախտումները:

Ամփոփելով քարոզարշավը` Հովհաննիսյանը նշեց, որ անհավասար պայքար է ընթացել, քանի որ ընտրախախտումների հետեւանքով օրենսգիրքը խախտվել է:

«Ես պայքարից հրաժարվողը չեմ,  այսպես որ գնանք ընտրությունների` փետրվարի 18-ին, առաջին փուլով հաղթելու է ժողովուրդը»,- հայտարարեց նա:

Անդրադառնալով գործող նախագահին`  Հովհաննիսյանը նշեց, որ նա տարբերվում է մյուս քաղաքական գործիչներից, ունի լսելու և հասկանալու ունակություն:

«Ես կարծում եմ, որ նա պետք է դադարեցնի մարզպետերին կամ քաղաքապետերին  հրահանգելու միջոցով շարքային քաղաքացիներին ուղղորդելը»,- նաեւ շեշտեց նախագահի թեկնածուն: