Սորոսը իենի տատանումների հաշվին 1 մլրդ դոլար է աշխատել

Անցյալ տարվա նոյեմբերին Ջորջ Սորոսը 1 մլրդ դոլար է աշխատել` կանխատեսելով ճապոնական իենի անկումը: Այդ մասին, ըստ mignews.com-ի, պատմել է 24 մլրդ դոլարի կարողություն ունեցող ֆինանսիստի մտերիմների մեկը` չցանկանալով ներկայանալ:

Անցյալ տարվա վերջին իենը անկում ապրեց, դրա հետ` նաեւ ճապոնական բաժնետոմսերը: Դա տեղի ունեցավ այն ժամանակահատվածում, երբ վարչապետ Սինձո Աբեն փորձեց Ճապոնիայի բանկից խթանման լրացուցիչ միջոցառումներ ստանալ: Արդյունքում` բանկի կառավարիչը եւ նրա երկու տեղակալները հաջորդ ամիս հրաժարական կտան, ինչը հնարավորություն կտա վարչապետին նոր ղեկավարներ ընտրել` իր դրամա-վարկային ազատականացման ծրագիրն իրականացնելու համար: