Հաստատվեց արտահանմանն ուղղված արդյունաբերական քաղաքականության 2013 թվակնի ծրագիրը

Հայաստանի Հանրապետությունում արտահանմանն ուղղված արդյունաբերական քաղաքականության ռազմավարությամբ նախատեսված միջոցառումների իրականացմանն աջակցելու նպատակով` Հայաստանի Հանրապետության կառավարությունն այսօրվա նիստում հաստատեց ՀՀ արտահանմանն ուղղված արդյունաբերական քաղաքականության ռազմավարությամբ նախատեսված միջոցառումների իրականացման 2013 թվականի ծրագիրը եւ այդ ծրագրով նախատեսված միջոցառումների ցանկը:

Արտահանմանն ուղղված արդյունաբերական քաղաքականության ռազմավարության համատեքստում, մեկ այլ որոշմամբ, կառավարությունը հաստատեց նաեւ որոշման նախագիծը, որով պետք է կազմավորվի աշխատանքային խումբ` «Արտահանման ֆինանսավորման ապահովագրական կազմակերպություն» փակ բաժնետիրական ընկերության հիմնադիր փաստաթղթերի կազմման, ընկերության գրանցման և լիցենզավորման համար անհրաժեշտ գործընթացների իրականացման նպատակով:

Այս գործառույթների կատարման համար կառավարությունը որոշեց հատկացենլ մոտ 500 միլիոն դրամ գումար: