Հաստատվեց հակակոռուպցիոն ռազմավարության` 2015-18 թթ. միջոցառումների ծրագիրը

Այսօր կառավարության նիստում արդարադատության նախարար Արփինե Հովհաննիսյանը կառավարության հաստատմանը ներկայացրեց ՀՀ հակակոռուպցիոն ռազմավարությունը և դրա ռազմավարության իրականացման` 2015-2018 թվականների միջոցառումների ծրագիրը:

Ըստ այդմ` հանձնարարվում է ՀՀ ֆինանսների նախարարին` ՀՀ  համապատասխան պետական մարմինների հետ համատեղ յուրաքանչյուր տարվա ՀՀ պետական բյուջեի պլանավորման ժամանակ քննարկել ՀՀ հակակոռուպցիոն ռազմավարության` 2015-2018 թվականների միջոցառումների ծրագրով տվյալ տարվա համար նախանշված արդյունքների ապահովման նպատակով Հայաստանի Հանրապետության պետական բյուջեում համապատասխան ֆինանսական միջոցներ նախատեսելու հնարավորությունը:

Հանձնարարվում է նաև հանրապետական գործադիր մարմինների ղեկավարներին և օրենքով ստեղծված մարմինների ղեկավարներին` յուրաքանչյուր տարվա ավարտից հետո մեկամսյա ժամկետում ՀՀ հակակոռուպցիոն ռազմավարության մոնիթորինգի հանձնաժողովին ներկայացնել տարեկան հաշվետվություն սույն որոշմամբ հաստատված ծրագրում ներառված միջոցառումների ընթացքի մասին: