Քերին չի կարողանում կապ հաստատել Լավրովի հետ

ԱՄՆ պետքարտուղար Ջոն Քերին մինչ օրս չի կարողացել ՌԴ ԱԳՆ ղեկավար Սերգեյ Լավրովի հետ քննարկել Հյուսիսային Կորեայում տիրող իրավիճակը: Այդ մասին պետդեպարտամենտում ճեպազրույցի ժամանակ հայտնել է գերատեսչության պաշտոնական ներկայացուցիչ Վիկտորյա Նուլանդը. հայտնում է Лента.ру-ն:

Նուլանդի խոսքով` Լավրովը պաշտոնական այցով այլ երկրում է, սակայն Քերին հասկացնել է տվել, որ ցանկանում է զրուցել նրա հետ: Նուլանդը նշել է, որ  Հարավային Կորեայի, Ճապոնիայի և Չինաստանի համապատասխան գերատեսչությունների հետ Քերին արդեն քննարկել է այդ հարցը, իսկ Սերգեյ Լավրովի հետ հեռախոսային կապ հաստատելու փորձերը շարունակվում են:

РИА Новости-ի տվյալներով` Լավրովը պաշտոնական այցով գտնվում է Աֆրիկայում: