ՉԼ-1/8 եզրափակիչ. "Շախտյոր" - "Բորուսիա" ` 2:2

Չեմպիոնների լիգայի 1/8 եզրափակիչի շրջանակներում  «Շախտյոր»-ը սեփական խաղադաշտում ընդունեց Դորտմունդի «Բորուսիա»-ին:

 31-րդ րոպեին  «Շախտյոր»-ի ավագ Դարիո Սրնան բացեց խաղի հաշիվը:   Դորտմունդցիների պատասխան գնդակը երկար չսպասեցրեց` 41-րդ րոպեին Լեհաստանի հավաքականի ռմբարկու Ռոբերտ Լեւանդովսկին հավասարեցրեց հանդիպման հաշիվը:

Այնուհետև`  68-րդ րոպեին փոխարինման դուրս եկած Դուգլաս Կոստան խփեց «հանքափորների» երկրորդ գնդակը:

Սակայն Ուկրայինայի չեմպիոնը խաղավարտին ձեռքից բաց թողեց հաղթանակը:

 87-րդ րոպեին գերմանացի պաշտպան Մատս Հումելսը կրկին հավասարեցրեց հաշիվը:

Պատասխան հանդիպումը տեղի կունենա մարտի 5-ին` Դորտմունդում: