Վերընտրվելուց հետո Օբաման առաջին ելույթն է ունեցել Կոնգրեսում

ԱՄՆ նախագահ Բարաք Օբաման նախագահ վերընտրվելուց հետո առաջին անգամ ելույթ է ունեցել Կոնգրեսում` «Երկրի վիճակի մասին» ամենամյա զեկույցով. հայտնում է Reuters-ը:

Ելույթի գլխավոր թեմաներն են եղել տնտեսության աճի և աշխատատեղերի ստեղծման հարցերը: Օբաման նաև պահանջել է, որ Կոնգրեսն ընդունի ավելի վաղ առաջարկված` զենքի շրջանառության վերահսկման խիստ միջոցառումների փաթեթը:

Խոսելով արտաքին քաղաքականության մասին՝ Օբաման հայտարարել է, որ մինչ 2014 թ.ամերիկյան զորքն ամբողջովին դուրս կբերվի Աֆղանստանից, և պատերազմը կավարտվի։ Ինչ վերաբերում է Ռուսաստանի հետ հարաբերություններին, ԱՄՆ նախագահը նշել է, որ միջուկային զինանոցի կրճատման վերաբերյալ բանակցությունները ՌԴ-ի հետ կշարունակվեն։