Ռոնալդուն "Ռեալ"-ի նոր լեգենդն է

Մադրիդի «Ռեալ»-ի  ղեկավարությունը որոշում է կայացրել, ըստ որի` պորտուգալացի կիսապաշտպան Ռոնալդուն մտել է ակումբի լեգենդների ցուցակը:

Այս լուրը կայծակնային արագությամբ հայտնվեց ակումբի պաշտոնական կայքում, այնուհետեւ` ամբողջ համացանցում:

Պորտուգալացին 179 խաղում խփել է 182 գոլ, այսինքն` միջինը ամեն խաղում 1,02 գոլ: Այս ցուցանիշը ակումբի պատմության մեջ միակն է: «Ռեալ»-ի պատմության մեջ  10 լավագույն ֆուտբոլիստներից միայն Ֆերենց Պուշկաշն է մոտ այդ ցուցանիշին` 242 գոլ` 261 խաղում:

Ակումբի ղեկավարությունը որոշել է հանդիսավոր հանդիպում էր կազմակերպել, որին հրավիրված էին «սերուցքայինների» լեգենդները:

Ի դեպ, ակումբի լավագույն ռմբարկուն մնում է Ռաուլը` 741 խաղում իսպանացին խփել է  323 գնդակ: