Կալանավորվեցին Հայրիկյանի դեմ մահափորձի կասկածանքով ձերբակալվածները

Երևանի Կենտրոն-Նորք-Մարաշ վարչական շրջանների ընդհանուր իրավասության դատարանի դատավոր Գայանե Կարախանյանն այսօր դռնփակ դատական նիստ անցկացնելուց և խորհրդակցական սենյակից վերադառնալուց հետո բավարարեց Ազգային անվտանգության ծառայության քննչական մարմնի միջնորդությունը և ՀՀ նախագահի թեկնածու Պարույր Հայրիկյանի նկատմամբ մահափորձ կատարելու կասկածանքով ձերբակալված անձանց՝ 56-ամյա Խաչատուր Ալբերտի Պողոսյանի և 40-ամյա Սամվել Արամայիսի Հարությունյանի նկատմամբ որպես խափանման միջոց ընտրեց երկամսյա կալանքը:

Ֆոտոլրագրող Գագիկ Շամշյանի հաղորդմամբ` որոշման հրապարակումից հետո ձերբակալված անձինք ձեռնաշղթաներով տեղափոխվեցին ՀՀ արդարադատության նախարարության «Կենտրոն» քրեակատարողական հիմնարկ։