Իսրայելն ամենամեծ խոչընդոտն է Մերձավոր Արեւելքում. Աբդուլլահ Գյուլ

Իսրայելն ամենամեծ խոչընդոտն է Մերձավոր Արեւելքում կայուն ու ամուր խաղաղության հասնելու ճանապարհին. ըստ SalamNews-ի` Կահիրեում Իսլամական համագործակցության կազմակերպության գագաթաժողովի` Պաղեստինում իսրայելցիների կողմից կառուցվող բնակավայրերի թեմային նվիրված նիստում հայտարարել է Թուրքիայի նախագահ Աբդուլլահ Գյուլը:

«Մենք պետք է միասին հայտարարենք, որ նոր օրենքներ չենք ընդունելու հատուկ Իսրայելի համար: Միջազգային հանրությունը պետք է վերջ դնի իսրայելական ագրեսիային եւ պատասխանատվությամբ մոտենա անօրինական բնակավայրերի հարցին: Պաղեստինում բնակավայրեր կառուցելու` իսրայելական գործունեությունը վերք պատճառում ոչ միայն իսլամական աշխարհին, այլեւ համայն մարդկության խղճին»,- հայտարարել է Գյուլը: