Զուրաբյանը ԱԺ-ում կոչ է արել ազատել ՀԱԿ ակտիվիստներին

Այսօր ԱԺ ՀԱԿ խմբակցության պատգամավոր Լևոն Զուրաբյանը ելույթ է ունեցել ԱԺ-ում, որի ժամանակ խոսել է ՀԱԿ ակտիվիստների մասին:

Նա նշել է, որ հունվարի 25-ին Վճռաբեկ դատարանը հետ է ուղարկել Տիգրան Առաքելյանի, Արտակ Կարապետյանի, Սարգիս
Գեւորգյանի եւ Դավիթ Քիրամիջյանի գործով բողոքը եւ տրամադրել 20 օր` նոր բողոք ներկայացնելու համար:

Ազատազրկված Տիգրան Առաքելյանը եւ դեռ ազատության մեջ գտնվող երեք մյուս տղաները, ըստ էության, պատանդ են դարձել իշխանությունների ձեռքում, որոնք փորձում են արդարադատության համակարգը օգտագործել որպես ընդդիմության վրա ազդելու քաղաքական գործիք:

Ըստ Զուրաբյանի` եթե Վճռաբեկ դատարանը ուժի մեջ թողնի վերոհիշյալ ակտիվիստներին համապատասխանաբար 6, 3, 2 եւ 2 տարով ազատազրկելու որոշումը, մենք Հայաստանում կունենանք չորս քաղբանտարկյալ: