Ազատամարտիկի բուժումը Շենգավիթ բուժկենտրոնն ''իր վրա վերցրեց''

Yerkir.am-ն անդրադարձել է ազատամարտիկ Վարդան Ամիրջանյանի խնդրին` տեղեկացնելով, որ նրան անհրաժեշտ է շտապ վիրահատել` փտախտը կասեցնելու համար: Անհրաժեշտ է հեռացնել ազատամարտիկի ոտքի մատներից մի քանիսը, որոնք մեռուկացված են: Պաշտպանության նախարարությունը հրաժարվել էր օգնել ազատամարտիկին /մանրամասները` այստեղ/:

Yerkir.am-ին Երեւանի քաղաքապետարանից տեղեկացրին, որ քաղաքապետ Տարոն Մարգարյանի անունից «Շենգավիթ» բժշկական կենտրոնի տնօրինությանը խնդրել են, որպեսզի այս անգամ եւս կենտրոնն իր վրա վերցնի ազատամարտիկի բուժման եւ վիրահատության ծախսերը:

Ի դեպ, նշենք, որ ազատամարտիկն արդեն երկու անգամ վիրահատվել է «Շենգավիթ» բուժկենտրոնում, նաեւ` բուժվել եւ անհրաժեշտ դեղորայք ստացել կենտրոնից` անվճար:

Վարդան Ամիրջանյանը վաղը կպառկի հիվանդանոց: Անհրաժեշտ ստուգումներն անելուց հետո նրան կվիրահատեն: