Բեն Լադենին գտնելու համար կտտանքներ են կիրառվել

Ուսամա բեն Լադենի ոչնչացման գործողության նախապատրաստման եւ իրականացման ժամանակ կտտանքներ են կիրառվել. հայտարարել է ԱՄՆ պաշտպանության նախարարի պաշտոնից հեռացող Լեոն Պանետան ամերիկյան NBC հեռուստաալիքին տված հարցազրույցում:

Անդրադառնալով Zero Dark Thirty ֆիլմում ներկայացված կտտանքների կադրերին, որոնցում ամերիկացի զինծառայողները հարցաքննվողների գլուխները մտցնում են ջուրը` բեն Լադենի գտնվելու վայրն իմանալու համար, Պենտագոնի ղեկավարը հաստատել է, որ հարցաքննության «նման մեթոդներ» կիրառվել են, սակայն հերքել է  ֆիլմի հիմնական գաղափարը, թե կտտանքները կարեւոր դեր են ունեցել թիվ մեկ ահաբեկչի մասին տեղեկություներ հավաքելիս: Նա հավելել է, որ հետախուզական տվյալների մեծ մասը ստացվել է ամերիկյան հատուկ ծառայությունների աշխատանքի շնորհիվ. տեղեկացնում է Интерфакс-ը: