Հայաստանում անցկացվում են Քուվեյթի մշակույթի օրեր

Հայ-քուվեյթյան մշակութային համագործակցության շրջանակներում 2013 թ. փետրվարի 3-10-ը Հայաստանում կանցկացվեն Քուվեյթի մշակույթի օրեր:

Մշակույթի օրերի շրջանակում Երևանում և Գյումրիում նախատեսվում է Քուվեյթի պետական ազգային անսամբլի ելույթները, արաբական արվեստի ցուցահանդես /կերպարվեստ, լուսանկարչություն/, Քուվեյթի մասին պատմող վավերագրական ֆիլմի ցուցադրություն:

Քուվեյթի մշակույթի օրերի պաշտոնական բացումը տեղի կունենա փետրվարի 6-ին` Հայաստանի ազգային պատկերասրահում՝ արաբական արվեստը ներկայացնող ցուցահանդեսի բացմամբ: Նույն օրը Հ. Պարոնյանի անվան երաժշտական կոմեդիայի պետական թատրոնում կկայանա Քուվեյթի պետական ազգային անսամբլի ելույթը:

Մշակույթի օրերի ընթացքում պատվիրակությունը կայցելի Հայաստանի պատմամշակութային վայրեր և մշակութային հաստատություններ: