Գորիս-Երևան ավտոճանապարհին 12 մեքենա է արգելափակվել

Այսօր առավոտյան ժամը 05.09-ին ԱԻՆ-ում ահազանգ է ստացվել, որ Գորիս-Երևան ավտոճանապարհի 4-5-րդ կմ-ում ձնաբքի պատճառով ավտոմեքենաներ են արգելափակվել: Դեպքի վայր է մեկնել մեկ մարտական հաշվարկ:

Ժամը 05.17-ի դրությամբ` երկու ավտոմեքենա դուրս է բերվել արգելափակումից տեղի ուժերով և շարունակել ընթացքը: Մինչ «Որսմար» ՍՊԸ-ի աշխատակիցների դեպքի վայր հասնելը` ժամը 06.20-ի դրությամբ, հրշեջ-փրկարարների ձեռնարկած միջոցառումների արդյունքում արգելափակումից դուրս է բերվել 4 ավտոմեքենա: 

Ժամը 07.25-ի դրությամբ ձնակույտից դուրս է բերվել ևս 6 ավտոմեքենա: Հրշեջ-փրկարարներիի կողմից տեղում իրականացվում է հերթապահություն: