Ծառուկյանը չի մասնակցի Ենգիբարյանի հուղարկավորությանը

Արդեն հայտնել ենք, որ Հայաստանի ազգային օլիմպիական կոմիտեն փետրվարի 3-ին՝ ժամը 14:00-ին, լեգենդար բռնցքամարտիկ Վլադիմիր Ենգիբարյանի հոգեհանգստի արարողությունն է կազմակերպելու Սուրբ Սարգիս եկեղեցում: Իսկ հուղարկավորությունը նախատեսված է ԱՄՆ-ում:

Գագիկ Ծառուկյանի մամլո քարտուղար Իվետա Տոնոյանը yerkir.am-ին հայտնեց, որ, ցավոք, Գագիկ Ծառուկյանը չի կարող մեկնել Լոս Անջելես, սակայն ՀԱՕԿ նախագահը, մեծագույն հարգանք և պատկառանք տածելով կաշվե ձեռնոցի հայ վարպետի նկատմամբ, հոգեհանգստի արարողություն է կազմակերպելու Հայաստանում:

Հիշեցնենք, որ Մելբուրնի օլիմպիական խաղերի, Եվրոպայի  եւ ԽՍՀՄ բազմակի չեմպիոն 81-ամյա Վլադիմիր Ենգիբարյանը մահացել է այսօր  առավոտյան` Լոս Անջելեսում: