Արթուր Բաղդասարյանը դեռ ''պլան'' է ուզում. ''Ժողովուրդ''

«Ժողովուրդը» գրում է, որ «Օրինաց երկիր» կուսակցության առաջնորդ Արթուր Բաղդասարյանը, պարզվում է, միմիայն մտածում է իր բիզնեսների ընդլայնման մասին: «Ժողովուրդ»-ին իր լավատեղյակ աղբյուրներից հայտնի է դարձել, որ Բաղդասարյանն ՕԵԿ քվոտայով նշանակված նախարարներին հաճախ վատ դրության մեջ է դնում` ասելով, թե պետք է այնպես աշխատել, որ կուսակցության բիզնեսը զարգանա: Այլ կերպ ասած` Հայաստանում ընդունված ավանդույթի համաձայն` նախարար նշանակողը նրանցից «պլան» է պահանջում:

Այնուամենայնիվ, թերթը փորձել է տեղեկությունը ճշտել ՕԵԿ մամլո խոսնակ Արթուր Միսակյանից, սակայն վերջինս հայտարարել է, որ իրականում նման բան չկա. «Այդ տեղեկությունները, որոնք շրջանառվում են, ընդհանրապես իրականության հետ կապ չունեն, անհեթեթություն են: Ա. Բաղդասարյանը և ՕԵԿ-ն աշխատում են երկրի բարեփոխումների ու դրական գործունեության համար»: