Պոզները ներողություն է խնդրել Պետդումայից

Պետդուման մտադիր է հրաժարվել օտարերկրյա քաղաքացիներին դաշնային հեռուստատեսությունում աշխատել արգելող «Պոզների օրենքից», քանի որ հայտնի հեռուստահաղորդավար Վլադիմիր Պոզները երեկ ուղիղ եթերում ներողություն է խնդրել նրանից:

Բանն այն է, որ իր ծրագրի` հունվարի 23-ի թողարկման ժամանակ Պոզները քննադատել էր ամերիկացիներին ռուս երեխաներ որդեգրել արգելող օրենքը և խոսքի մեջ Պետդուման «պետդուրա» («госдура») անվանել: Նա նույն պահին ներողություն է խնդրել` ասելով, որ դա ընդամենը լեզվի սայթաքում է եղել. հայտնում է Дни.ру-ն:

Սակայն երևում է` այդ ներողությունը պատգամավորների համար բավական չի եղել, և կիրակնօրյա իր հաղորդման ժամանակ Պոզները կրկին ներողություն է խնդրել Պետդումայից`ընդգծելով, որ ներողություն է հայցում, սակայն  միայն ու միայն լեզվի սայթաքման համար: