Պոզները խոստովանել է

Հեռուստալրագրող Վլադիմիր Պոզները gzt.ru-ին տված հարցազրույցում ասել է, թե իր` ռուսաստանյան Առաջին ալիքով հեռարձակվող հաղորդումն ունի «ստոպ ցուցակ» (մարդկանց անուններ, որոնք չեն կարող հնչել եթերում), որը չի համընկնում հենց հեռուստալիքի «ստոպ ցուցակի» հետ:

Հաղորդավարի խոսքերով` ցուցակը, որը կազմվել է Առաջին ալիքի գլխավոր տնօրեն Կոնստանտին Էրնստի հետ, բաղկացած է ընդամենը յոթ անունից:

Պոզները հասկացրել է, որ այդ ցուցակում չկան ընդդիմադիրներից Բորիս Նեմցովի, Էդուարդ Լիմոնովի, Գարի Կասպարովի եւ Վալերիա Նովոդվորսկայայի անունները: Նեմցովին խոստացել է իր հաղորդմանը հրավիրել մարտին:

Պոզներն առաջին ռուս հեռուստալրագրողն  է, ով հրապարակայնորեն խոստովանում է «ստոպ ցուցակների» առկայության մասին: Մինչ այժմ դրանց մասին միայն շշուկով էին խոսում: