Ռուսաստանն արգելեց ծխելը

Ինչքան էլ որ օրենսդիրները պնդեն, թե Պետական Դումայի ընդունած նոր օրենքն ուղղված է ծխելու, այլ ոչ թե ծխողների դեմ, այնուամենայնիվ, վաղը Ռուսաստանում մոտ 44 միլիոն ծխող կարթնանա մի ուրիշ երկրում: РИА Новости -ի հաղորդմամբ՝ ՊետԴուման երկրորդ ընթերցմամբ ընդունել է ծխախոտի օգտագործումն արգելող օրենք: Այդպիսով՝ Ռուսաստանի բնակիչներին արգելվում է ծխել հյուրանոցներում, սրճարաններում, ռեստորաններում, հիմնարկ ձեռնարկություններում, հյուրանոցներում, առեւտրի կենտրոններում, պետական հաստատություններում եւ այլ վայրերում:

Չի թույլատրվում օգտագործել համացանցը եւ ԶԼՄ-ները ծխախոտը գովազդելու համար, ինչպես նաեւ վաճառել ծխախոտ կրպակների պատուհանիկներից կամ ցուցադրել այն առեւտրի կետերի ցուցափեղկերում: Սակայն կպահպանվեն արդյոք այս օրենքի նորմերը ծխողների թվով առաջատար երկրներից մեկում, շատերն են կասկածում: