Բարկացած ադրբեջանցիները անկարգություններ են հրահրել Իսմայիլի շրջանում

Այսօր գիշերը Ադրբեջանում` Իսմայիլը քաղաքում, անկարգություններ են ծագել, որոնք տևել են մի քանի ժամ:

Contact.az-ը տեղեկացնում է, որ անկարգությունների պատճառն ավտոպատահար է. տեղի ղեկավար Նիզամի Ալեքպերովի զարմիկին պատկանող Hummer մակնիշի ավտոմեքենան, որում եղել է նաև Ֆիզուլիի աշխատանքի նախարարի որդի Վուգար Ալեքպերովը, բախվել է մեկ այլ մեքենայի, ինչից հետո Ալեքպերովը դուրս է եկել մեքենայից և սկսել վիրավորել մյուս մեքենայում եղած անձանց: 

Միջադեպի արդյունքում շրջանի բնակիչները, տեղեկանալով Ալեքպերովի պահվածքի մասին, բարկացած շարժվել են նրա ընտանիքին պատկանող շենքերի ու շինությունների ուղղությամբ և սկսել ավերել դրանք: Ականատեսների պնդմամբ` անկարգություններն ուղեկցվել են կրակոցներով:

Բարկացած ամբոխը ներխուժել է Իսմայիլիի ղեկավար Նիզամի Ալեքպերով առանձնատուն, այրել դրա տարածքում եղած մեքենաները, ինչպես նաև` նրան պատկանող հյուրանոցը: 

Ադրբեջանի իշանությունները ստիպված են եղել երկրի զինված ուժերի լրացուցիչ քանակ մտցնել Իսմայիլը: Այժմ անկարգությունները դադարել են:

Հարուցվել է քրեական գործ Ադրբեջանի ՔՕ մի շարք հոդվածներով: