Վրաստանի պաշտպանության նախարարին ազատել են պաշտոնից

Վրաստանի պաշտպանության նախարար Իրակլի Ալասանիան ազատվել է պաշտոնից: Որոշումը կայացրել է վարչապետ Բիձինա Իվանիշվիլին: Ալասանիան նաեւ ազատվել է փոխվարչապետի լիազորություններից: Պատճառը չի նշվում. տեղեկացնում է Эхо Mосквы-ն:

«Մեր Վրաստան. ազատ դեմոկրատներ» կուսակցության առաջնորդը նախագահի պորտֆելը ստացել էր հոկտեմբերյան խորհրդարանական ընտրություններից հետո: Ալասանիան իր կարիերան սկսել է հակահետախուզությունում, Շեւարդնաձեի իշխանության օրոք ծառայել է ԱԳՆ-ում եւ անվտանգության նախարարությունում: Ղեկավարել է Աբխազիայի արտաքսյալ կառավարությունը, ՄԱԿ-ում ներկայացրել է Վրաստանը:

Հարկ է նշել, որ օրերս Ալասանիան եւ Իվանիշվիլին «ծանր զրույց» են ունեցել: Այդ մասին ասել է ինքը` Ալասանիան: Խոսքը վերաբերել է Վրաստանի նախագահի ընտրությանը: