Ահաբեկչությունների նոր շարք` Իրաքում

Իրաքում ահաբեկչությունների նոր շարքի հետևանքով 11 մարդ զոհվել է, 40-ը`վիրավորվել. հայտնում է Росбалт-ը:

Երկու պայթյուն որոտացել է Իրաքի հյուսիսային Էդ Դուջեյլ քաղաքում, որտեղ երկու մեքենա է պայթեցվել: Այնտեղ զոհվել է 7, վիրավորվել` 25 մարդ:

Ահաբեկչության երկրորդ դեպքը տեղի է ունեցել հարավային Թերբելա քաղաքում: Այնտեղ պայթուցիկով մեքենան բախվել է շիաներ տեղափոխող ավտոբուսին, արդյունքում` 4 մարդ զոհվել է, 12-ը` վիրավորվել:

Հիշեցնենք, որ երեկ Իրաքում ևս մի պայթյուն էր տեղի ունեցել` պայթուցիկով մեքենան պայթել էր Քրդական բանվորական կուսակցության ներկայացուցչությունից ոչ հեռու. 17 մարդ զոհվել էր, տասնյակ մարդիկ` վիրավորվել: