Նոր ահաբեկչությունների սպասելիս

ԱՄՆ նախագահ Բարաք Օբաման  «Ալ Քաիդա»-ի առաջնորդ Ուսամա բեն Լադենի սպանությունից հետո հայտարարեց, թե «աշխարհն այսուհետ ավելի ապահով է»: Սակայն այս պահին արդեն ամբողջ աշխարհում արտակարգ դրություն է հայտարարված, եւ բոլորը, ԱՄՆ-ի գլխավորությամբ, նոր ահաբեկչական գործողությունների են սպասում:

«Ալ Քաիդա»-ի անունից արդեն ինտերնետում հայտարարություն է տեղադրվել, ըստ որի`ահաբեկիչները պատրաստվում են վրեժ լուծել իրենց առաջնորդի սպանության համար:

ԱՄՆ օդանավակայաններում ու կայարաններում արտակարգ դրություն է հայտարարվել: Անվտանգության խստացված միջոցառումներ են ձեռնարկվում աշխարհում ԱՄՆ դեսպանատների պաշտպանության համար: Անհայտ ժամկետով փակվել է Պակիստանում ԱՄՆ դեսպանատունը:

Իսկ մինչ այդ, բեն Լադենի սպանության տարբեր լուսանկարներ եւ տեսանյութեր են տարածվում ինտերնետում:

Սենյակը, որտեղ սպանվել է «Ալ Քաիդա»-ի առանջորդը, կարող եք տեսնել այստեղ: