Վթարված ''Ուրալ''-ում եղած զինծառայողներից մեկը մահացել է

Վայոց ձորում «Ուրալ» մակնիշի զինվորական բենզատարի շրջվելու հետևանքով մահացել է Վայք քաղաքի բնակիչ, պայմանագրային զինծառայող Արթուր Գևորգյանը, ով, ըստ նախնական տեղեկությունների, եղել է վարորդը: Արարատի մարզի Արմաշ գյուղի բնակիչ պայմանագրային զինծառայող Հուսիկ Ստեփանյանը վնասվածքներով տեղափոխվել է հիվանդանոց: Նրա վիճակը ծանր է: Այս մասին yerkir.am-ին հայտնեց  պաշտպանության նախարարության մամուլի քարտուղար Արծրուն Հովհաննիսյանը: Նրա խոսքով`  մեքենան ձորն է գլորվել է դիմացի մեքենայից խույս տալու պատճառով:

Մեր տեղեկություններով` երկուսն էլ Վայքի զորամասի զինծառայողներ են:

Ինչպես արդեն հայտնել էինք, վթարը տեղի է ունեցել Երևան-Երասխ-Մեղրի ավտոճանապարհի 115 կմ հատվածում՝ Արփի գյուղի ճանապարհին: