Անհայտ անձինք կրակ են բացել Հունաստանի վարչապետի աշխատասենյակի ուղղությամբ

Անհայտ անձինք այս գիշեր Աթենքում ինքնաձիգներից կրակ են բացել  «Նոր ժողովրդավարություն» կուսակցության գրասենյակի ուղղությամբ: Ոստիկանության տվյալներով` հարձակվողների թիրախը եղել է երկրի գործող վարչապետ Անտոնիոս Սամարասի աշխատասենյակը. տեղեկացնում է РБК-ն:

Ոստիկանները դեպքի վայրում 9 գնդակի հետք են գտել: Բարեբախտաբար, տուժածներ չկան: Առավոտյան հայտնաբերվել է նաեւ այրված ավտոմեքենա. դրանով էին հանցագործները փախել դեպքի վայրից:

Վարչապետի մամուլի քարտուղարն արդեն հանդես է եկել հայտարարությամբ: Նրա խոսքերով` կրակոցներն ուղղված են եղել հունական ժողովրդավարության դեմ:

Ոչ մի կազմակերպություն դեռեւս չի ստանձնել հարձակման պատասխանատվությունը: